អំពីការសិក្សា

តើអ្វីទៅជាគីមីវិទ្យា?

គីមីវិទ្យា (Chemistry) គឺជាវិទ្យាសាស្ត្រដែលសិក្សាអំពីរូបធាតុ (Matter) ការផ្លាស់ប្តូរ និងអន្តរកម្មរបស់វា។ រូបធាតុ គឺជាអ្វីៗទាំងអស់ដែលនៅជុំវិញខ្លួនយើង ដែលមានម៉ាស និងមានមាឌ (យកលំហរ) ដូចជា ទឹក ខ្យល់ ដី អាហារ រហូតដល់រាងកាយរបស់មនុស្សយើងផ្ទាល់។

ហេតុអ្វីសិក្សានូវគីមីវិទ្យា?

ការសិក្សាថ្នាក់បរិញ្ញាបត្រ គីមីវិទ្យា ផ្តល់ចំណេះដឹងស៊ីជម្រៅអំពីការប្រែប្រួលនៃសារធាតុ និងរចនាសម្ព័ន្ធរូបធាតុ ដែលជាគ្រឹះនៃវិទ្យាសាស្ត្រទំនើប។ ការសិក្សាគីមីវិទ្យាបានរៀបចំឡើងដើម្បីផ្តល់អោយនិស្សិតយល់ដឹងពីសុវត្ថិភាពក្នុងពេលពិសោធន៍ ស្គាល់ពីលំអិតពីឧបករណ៍នីមួយៗដែលមាន និង វិធីប្រើប្រាស់អោយបានត្រឹមត្រូវ។

លទ្ធផលនៃកម្មវិធីសិក្សា

នៅពេលដែលនិស្សិតបញ្ចប់ការសិក្សាបានស្គាល់ និងយល់ច្បាស់អំពី

• ឈ្មោះសមាសធាតុ និង អាចសរសេរទម្រង់សមាសធាតុគីមី
• យល់ដឹងអំពីសរសេរតុល្យភាព និង អាចសរសេរសមីកា និងព្យាករណ៍ផលិតផលនៃប្រភេទផ្សេងៗគ្នានៃប្រតិកម្ម។
• ការប្រើបា្រស់ទ្រឹស្តីនិងទស្សន៍ទាយទាក់ទងគ្នាពីលក្ខណៈនៃធាត និងសមាសធាតុ តាមការកំណត់ធរណីមាត្រម៉ូលេគុលនិងរូបវន្ត។
• សិក្សាពីការវិភាគទិន្នន័យដែលទទួលបាន
• ការសរសេររបាយការណ៍បកស្រាយតាមបែបវិទ្យាសាស្ត្រ

ឱកាសការងារ

ខាងក្រោមនេះជាអត្ថប្រយោជន៍សំខាន់ៗដែលទទួលបានពីជំនាញនេះ៖

• ការត្រួតពិនិត្យគុណភាព (QA/QC)៖ ពិនិត្យគុណភាព និងសុវត្ថិភាពចំណីអាហារ ភេសជ្ជៈ និងគ្រឿងសម្អាង។
• វិស័យកសិកម្ម៖ ស្រាវជ្រាវ និងផលិតជីគីមី ថ្នាំសម្លាប់សត្វល្អិត ឬថ្នាំបំប៉នដី។
• ធ្វើការក្នុងមន្ទីរពិសោធន៍នគរបាល ដើម្បីវិភាគភស្តុតាងផ្សេងៗ។

• ក្លាយជាគ្រូបង្រៀនគីមីវិទ្យានៅវិទ្យាល័យ ឬសាស្ត្រាចារ្យនៅសាកលវិទ្យាល័យ។

• ចូលធ្វើការក្នុងក្រសួងស្ថាប័នរដ្ឋនិងស្ថាប័នឯកជន។